خفة دم المصريين
كلمات: صفاء عبد المرتضى
عبد الناصر والسادات سألوا مبارك بعد ما مات :
إيه اللي جابك عندنا سم ولا منصة؟
رد وقال : فيس بوك وغلاوتكوا انتو الاتنين
في عز غُلبهم بينكتوا
في ف خفة دم المصريين
في عِز زَعلهم مُتفــــاءلين
ع الهم والشقـــا صابريـــن
رغم وشــوش المهمومــين
وفي مشــاكلهم متجمعيـن
مســـــلمين أومســــيحيين
يدعوا يقولوا يا رب آمين
فك كــرب المضــايقيـــن
يحبــوا كل اللي خـادمـهم
والويل الويل للي ظالمهم
في التحرير يبقم واقـــفين
وعلى طــرده مصمميـــن
مش هو بس!كل الفاسدين
ودي طبيعـة المصرييـــن
والله عليـــّه صعبانيـن
رغم قلوب الغضبانين
بينادوا إحنـا مسالمين
ولهمنا مش زعلانيــن
لوجود رب العالميــن
بص معـــايا واتأملهم
دي طبيعة المصريين
ادعو يارب يصلح حالهم
يلا معايا وقولوا آمين
2 التعليقات:
"في عِز زَعلهم مُتفــــاءلين
ع الهم والشقـــا صابريـــن
رغم وشــوش المهمومــين"
بالأمس فقط ، و صدفة سمعت أغنية للفنان العبقري الجهبذ : وديع الصافي ،،كانت الأغنية عن مصر لأول مرة أسمعهاوكانت فيها عبارة أظنها تشبه هذه العبارة..فأطربني و أطربتني الكلمات وازددت حبا لمصر و أهلهاولعنت في سري الحثالة الذين حاولوا الإصطياد في المياه العكرة... وحمدت الله الذي امدني بعقل يفكر و يميز و لم يجعلني إمعة سبهللا امشي مع الرعاع.
أتمنى أختي صفاء أن تكوني قد فهمتني.
تحياتي القلبية الخالصة.
دمت بمحبة
مدونة جد رائعة
واصلي العطاء
تحياتي القلبية الخالصة.
إرسال تعليق