.jpg)
مبارك بعد ما مات
كلمات : صفاء عبد المرتضى
عبد الناصـر والســـادات .. سألوا مبارك بعد ما مات
إيه يا مبارك سبب الثورة .. رد مبارك قال دي الشات
عيال كات هايفة ومش شايفة .. وملهومش في البال حسابات
ناصــر قالـه إوعى تكمـــل .. أجدادهم بنو أهرامات
السد العالي في عهدي بنوه .. بالهمة قبل العضلات
ده شباب واعي كان الداعي .. تديهم تعظيم سلامات
تقـدم ليهــم ولأهاليهـــم .. قبل الغَضبة ورق كشوفات
ثروة مصر لكل ولادها .. مش ضمن حِساب أو تركات
أنــور كمــل قاله اســتنى .. ده مبارك قـائد مطـــــــارات
مهارة كبيرة في حرب أكتوبر .. طيران طاير كالفراشات
بارليــــــف بإديهم نسفوه .. ليه توجـه ليهم إهانات
إيه دلوقتي سبب الغُمة .. في التحرير ويا الأزمات
ده أنا سايب من بعدي الأمة .. عُهدة من ضمن الأمانات
ليه تحرم شعبك بالذِمة .. من حقه في حتى الزيادات
يجي الغلا ياكل في فلوسهم .. بعد ما تدِيهم علاوات
ده انت النائب ليه تتاوب .. والميزانية ف إيد عصابات
يفهــم إيــــــه ابنك في الوطني .. تديله أمانة السياســات
فتحي سرور صفوت مع عزمي .. غَموا عنينا وقالوا إشاعات
زرعوا في مصر بدل الخُضرة .. مساحات جامدة م الخرابات
حَبوا يولعـــــوا نــــار الفتنة .. بين إســـلامنا وبين راهبــــات
جَنوا على مصر في يوم الحِنة .. شنوا عليها في ضلمة غارات
يخربـــوا فيها وينهبوا خيرها .. مش ســـامعين حتى الهتـافـات
خِلـص كلامي معاك يا مبارك .. بعد الوقت كلـــه مـا فـــــات
هِنا في الآخرة .. شوفلك صِرفة ..مش أموال قصدي الحسنات
2 التعليقات:
قصيده مؤثره بحق وتحكي واقع قد كان
التاريخ معلم عظيم لكن من يتعض ويفهم دروسه
الان بقية المتورطين مع شعوبهم في خوف شديد
من ان تحاكمهم شعوبهم مثل مبارك ..لكن لابد ان ينال
كل ظالم جزاءه
دمتِ بود عزيزتي
مطخطشي يا ولــــيه
دا بطل سطه اكطوبر
و زعم زعماالسلام
و في عهده كطرط الحوريه بدليل كليباط الغرام
كل ممسل محطرم بيعرف إيمة بابا حسني
و كل اعلامي منسف بيعرف حسوسية طاطا حسني
العالم كله دافع كطير عشان بابا حسني
حطى السوعوديه و دول البطرول بطموووت في طاطا حسني
كلهم بحبووو بابا حسني وانطي بطكرهيه لييييه؟
هوووو عملك إيييييه؟
اخطشي يا وليه دا طاريخ بابا حشني
كفياكي ثورية دا جاموووس بابا حشني
إرسال تعليق