تحية لكل أساتذتي
كلمات : صفاء عبد المرتضى
تحية خالصة بقدمها من هنا لأساتذتي
من الحضانة ولحد ما اتخرجت من كليتي
عرفان جِميل ودليل كبير لمحبتي
شعوري دايما وأنا معاهم كأني ف أسرتي
وده اللي كات دايما تقولهولي جدتي
كنت شايفة ع السبورة أمي بتنورلي دُنيتي
علوم ودين تعلمهوملي لاجل ما أكسب آخرتي
سلام كبير جدا لأستاذي وأبلتي
واتعلمت أكتر بعدها من أساتذة جامعتي
علموني ووجهوني وساهمو ف تشكيل فكرتي
خلوني أفكر كل يوم إزاي أنور دولتي
وده اللي ساعدني بجد في اكتشاف وطنيتي
نصيحتهم الخالصة ساعدتني في تحقيق أمنيتي
وتشجيعهم لي باستمرار كان يبان على بسمتي
في نجاحي وفي تفوقي ياما ساهمو في فرحتي
إحساسي ناحيتهم حقيقي ..مش تدوين في أچندتي
وحشوني جدا كلهم ..نفسي أشفهم أقولهم
يارب صحبتنا سوا في الجنة تكون من قسمتي
و أتمنى أكون وصلت ليهم كلهم تحيتي
1 التعليقات:
ههههههههه جميلة انا شفت على المدونين العرب شعر مبارك بعد ما مات بجد رائع بالتوفيق
إرسال تعليق